ليالي من حياتي مشات
مع الأيام تنسات
ليالي عسل تعدات
والفت بها ووالفت بيا
حكينا فالباينة والمتخبية
حكينا أشعار و الفنى ألحان
وكتبنا روايتنا بحروف ذهبية
ليالي تعدات
و فقلبي بنات وعلات
بنات قصور وزرعت فيها زهور
رداتو جنة طيور
ليالي تعدات
نسيت أحزاني والماضي إلي فات
وسكرت كراسة اذكريات
ليالي تعدات وتنسات
أما أنا ما نسيتش وما ننساش
وحبها ما يموتش وما يوفاش
مهما تعدا الأيام والليالي
يبقى حبها فقلبي وبالي
